Djeronimo:
Ta direktor nobo di Banko Sentral, a laga kue “changa” e djaka nan ku tabata fiesta den e bari di keshi na Giro?
Sigun kalènder di Chines, e aña aki ta aña di “DJAKA”.
Señor Emsley Tromp, tempu ku e tabata direktor di Banko Sentral, a remarka ku e ta mira masha hopi “DJAKA” den e bari di keshi di banko Giro. E djakanan, nò a gusta ètòl ku señor Emsley Tromp a yama nan, na nan nòmber. Pero tòg nan a sigui kome trankil den bari di keshi na Giro. Hasta nan a hasi denunsia na HULANDA, di moda ku por a kore ku e “KLOKKEN LUIDER”, señor Emsley Tromp, for di Banko Sentral.
E “DJAKA” nan, ku tabata fiesta den bari di keshi na Giro, a kònkel masha hopi kos di moda ku nan por a skonde mas ku 500 mion florin, riba kuenta di diferente hende, ku ta bisa ku nan ta mas “inosente” ku un yuchi ku a kaba di nanse. Tur e hende “humilde” nan aki, nò por bisa di unda e plaka a bini, te ku nan por duna kuenta i rason, unda e plaka a bai. Tur loke ku e “víktima inosente” nan aki ta hasi ta eksigí gobièrnu pa buska un forma pa laga pueblo MANSU di Kòrsou chupa e preimu marga HULANDES, i despues paga pa tur loke a wòrdu malgastá.
HULANDA a kansa di e “DJAKA” nan, ku tabata kome den su bari di keshi. P’esei mes Hulanda a straf Kòrsou ku un “AANWIJZING”, di kita sombré. Ku otro palabra Hulanda a mustra Kòrsou ku un (1) dede riba tur loke nan Kòrsou a i ta hasi robes, i na mes momento Hulanda ta ignorá, ku tres (3) dede ta mustra riba Hulanda mes.
Hulanda mes ta esun ku a “indoktriná” Antia Hulandes, kon hasi fiesta di San Nikolas. Fiesta di San Nikolas ta e fiesta froudulento ku ta fundeshi di nos kultura di froude.
Hulanda a siña nos kon gaña, kon kònkel kos i kon korumpí hende pasombra:
ESUN KU TA PAGA TA ESUN KU TA DISIDÍ
Nò ta sekreto públiko, ku gabinete Rhugenaath, ta kai na AMEN di HULANDA.
Tur loke HULANDA ordená minister presidènt señor Rhugenaath hasi, gobièrnu mester kumpli. Mucha mandá semper mester kumpli ku òrdu di Patron.
Lei di kustumber Hulandes ta bisa: “esun ku ta paga, ta esun ku ta disidí.”
Na Kòrsou, nos ta wòrdu ordená pa respetá loke gobièrnu mester kumpli kuné, pasombra lei di APARTHEID a disidí:
“HUSTU TA PAGA PA PEKADOR”
Denunsia di aktonan kastigabel di señora minister Zita Jesus Leito
Norwin Ferero nò tin lei ètòl ku “wega” di djaka, p’esei mes e a tuma un kurashi pa entrega un keho na Ministerio Públiko djaluna dia 3 di febrüari 2020, kontra minister di Tráfiko, Transporte i Planifikashon Urbano, ku ta e aktual minister ZITA JESUS LEITO.
Nò ta konosí fo’i kua tempu nos aktual minister di Tráfiko, Transporte i Planifikashon Urbano, señora minister Zita Jesus Leito, tin partisipashon den krímen organisá. Pero señora minister Zita Jesus Leito mes, mester tin konosementu kuantu manteka señora minister Zita Jesus Leito, tin riba su propio kabes. Pasombra señora minister Zita Jesus Leito, sa ku e a tira piedra i despues a skonde man.
Kiko por ta e motibu, ku señora minister Zita Jesus Leito ta keda pretendé, ku e si por tapa solo ku dos dede?
Senora minister Zita Jesus Leito a nenga den prensa, ku e tin partisipashon den “Krímen organisá”.
Partisipashon na “Krímen Organisá”
Partisipashon na krímen organisá, ta un delitu riba su mes, i p’esei partisipashon na krímen organisá, ta un akto kastigabel. Esaki ta nifiká ku un hende por partisipá na krímen organisá, sin ku e ta kometé un otro akto kriminal.
Artiko 140 Kódigo Penal
Partisipashon na un organisashon ku tin e intenshon pa kometé un akto kontra di lei, ta wòrdu kastigá ku maksimal seis aña di prison òf un but di kategoria 5.
Partisipashon ta ora ku un persona tin parti den e organisashon òf ku e persona ta sostené e organisashon. No nesesariamente, e persona mester konosé tur ku ta miembro di e organisashon.
Señora minister Zita Jesus Leito públikamente a atvertí pueblo pa mira
“KON NOS PAIS TA”
Un servisio “sekreto” di inteligensia di pueblo, a duna hopi indikashon den kua forma señora minister Zita Jesus Leito ta partisipá na krímen organisá.
Minister Zita Jesus Leito, mester kuminsá, saka su sòm pa duna kuenta i rason di tur loke ku a wòrdu kushiná, den e kushina di “PASTECHI KESHI”, for di e bari di “KESHI” di GIRO.
Tur loke a sosodé aki den e kushina di “PASTECHI KESHI”, huridikamente ta igual ku partisipashon na krímen organisá.
A yega tempu pa minister ZITA JESUS LEITO kuminsá basha bou, riba tur esnan ku ta forma parti den e kadena di parlamentarionan, ku a fiesta sam sam, ku e “PASTECHI KESHI” nan, for di e bari di “KESHI” di GIRO.
Investigashon di komportashon ignorante
Riba 6 di ougùstùs 2019, Norwin Ferero a pidi Defensor di Pueblo, Ombudsman, pa investigá e komportashon ignorante di minister di Tráfiko, Transporte i Planifikashon Urbano.
Ministernan di Tráfiko, Transporte i Planifikashon Urbano, di turno, konsientemente ta stroba Norwin Ferero desaroyá plantashon Malpais, dor di ignorá veredikto di korte LAR di 29 yüni 2016.
Veredikto LAR
E veredikto aki di korte LAR, a duna órden na minister di Tráfiko, Transporte i Planifikashon Urbano, pa atendé e asuntu, ku Fundashon Kas Popular tin konstrukshon ilegal di kas riba tereno ku ta pertenesé na plantashon Malpais.
Fundashon Kas Popular, nò tin pèrmit pa konstrukshon, manera ta wòrdu stipulá den “Bouw- en woning verordening 1935” .
Defensor di Pueblo, Ombudsman, a hasi un investigashon i a invitá minister di Tráfiko, Transporte i Planifikashon Urbano, pa enfrentá Norwin Ferero, den un “hoorzitting”, riba 29 di novèmber 2019, di moda ku por evaluá ponensianan di ámbos partido.
Riba 28 di novèmber 2019, minister di Tráfiko, Transporte i Planifikashon Urbano, a manda Norwin Ferero, un karta via e-mail, i splika ku minister di Tráfiko, Transporte i Planifikashon Urbano, ta rechasá e demanda di Norwin Ferero, pasombra minister a duna Fundashon Kas Popular pèrmit pa konstruí kas, konforme e lei pa konstrukshon, Bouw en woning verordening 1935
Karta 28 november 2019
Minister ta laga bisa den e karta:
Korte a disidí ku minister mester tuma un desishon tokante pèrmit di konstrukshon di Fundashon Kas Popular.
Fundashon Kas Popular a haña pèrmit pa konstruí kas riba e tereno konserní. Pues e reglanan pa konstrukshon di kas di 1935, no ta wòrdu violá, i pa e motibu aki e demanda di Norwin Ferero ta wòrdu rechasá.
Señora minister Zita Jesus Leito a firma pèrmit pa Fundashon Kas Popular, por konstruí kas riba plantashon Malpais.
PREGUNTA:
Señora minister Zita Jesus Leito a violá reglanan pa konstrukshon di kas, manera ta stipulá den “Bouw- en woning verordening 1935?
KONTESTA:
SI,
Zita Jesus Leito a violá reglanan pa konstrukshon di kas, manera ta stipulá den “Bouw- en woning verordening 1935.
Señora minister Zita Jesus Leito, tabata sa òf por lo ménos mester a asumí su responsabilidat komo minister di Tráfiko, Transporte i Planifikashon Urbano, i buska informashon si e konstrukshon di kas dor di Fundashon Kas Popular, ta kumpli ku e reglanan stipulá den “Bouw- en woning verordening 1935.
Señora minister Zita Jesus Leito, mester tabata sa ku:
- Fundashon Kas Popular a kumpra Klein Malpais Wechi, na aña 1993.
Koop Wechi FKP 1993; - Koopakte Klein Malpais Wechi nr. 635 di 12 mart 1993, ta stipulá ku e tereno “RUSTPLAATS”, NÒ ta pertenesé na Klein Malpais Wechi, i pesei “RUSTPLAATS”, NÒ ta tereno di Fundashon Kas popular;
- Fundashon Kas Popular, NÒ a hasi petishon na korte, pa bira doño di e tereno Rustplaats;
- Fundashon Kas Popular konsientemente ta konstruyendo kas riba e tereno “RUSTPLAATS”, mientras a pidi pèrmit pa konstrukshon di kas riba Klein Malpais Wechi;
- Herederonan di Plantashon Malpais a hasi bezwaar kontra e konstrukshon di kas ilegal, riba “RUSTPLAATS” dor di Fundashon Kas Popular. Herederonan di plantashon Malpais, a entamá un kaso den korte, sigun prosedura LAR, i a demanda gobièrnu pa stòp e konstrukshon ilegal di kas dor di Fundashon Kas Popular, riba“RUSTPLAATS”;
- Desishon di korte sigun e prosedura LAR, 29 di yüni 2016, a ordená minister di Tráfiko Transporte i Planifikashon Urbano, pa atendé e asuntu ku Fundashon Kas Popular ta konstruyendo kas, sin pèrmit riba un tereno ku nò ta pertenesé na Fundashon Kas Popular;
Keho kontra minister Zita Jesus Leito
Riba 3 di febrüari 2020, Norwin Ferero a entrega un keho na Ministerio Públiko, kontra minister di Tráfiko, Transporte i Planifikashon Urbano, señora minister Zita Jesus Leito.
Sigun e lei pa trato igual, “Algemene wet gelijke behandeling”, ku a wòrdu publiká 2 di mart 1994, tur suidadano di Reino Hulandes tin protekshon kontra deskriminashon a base di religion, deseo polítiko, rasa, sekso, nashonalidat. Den kaso nan igual, tur hende lo wòrdu husga i tratá igualmente.
Minister di Tráfiko, Transporte i Planifikashon Urbano, señora minister Zita Jesus Leito, mester sa òf por lo ménos mester a buska pa sa, ku e lei pa trato igual a wòrdu violá dor di e aktonan di mala fe, inhustisia i di malgobernashon di señora minister Zita Jesus Leito.
- Minister di Tráfiko, Transporte i Planifikashon Urbano, señora minister Zita Jesus Leito, ta nenga sin miserikòrdia pa duna, Norwin Ferero, pèrmit pa traha su kas riba “Tera di Famia”, plantashon Malpais (a) Gato.
- FKP ku tin konstrukshon di kas ilegalmente, riba tereno ku ta pertenesé na “Tera di Famia”, plantashon Malpais (a) Gato, ta haña pèrmit pa konstrukshon di kas, serka minister di Tráfiko, Transporte i Planifikashon Urbano, señora minister Zita Jesus Leito.
Ministerio Públiko a kuminsá investigá e keho ku Norwin Ferero a entrega kontra señora minister Zita Jesus Leito, 3 di febrüari 2020.
Riba 12 di mart, hefe di Ministerio Públiko, señor mr. drs. Heiko de Jong, a firma un karta, dirigí na Norwin Ferero.
Probablemente dor di e krísis mundial okashoná dor di e vírùs di corona, e karta a yega den brivenbùs di Norwin Ferero te riba dia 7 di aprel 2020.
Ministerio Públiko a splika ku e denunsia a wòrdu studia, i Ministerio Públiko ta di opinion ku loke Norwin Ferero a denunsia, nò ta motibu pa hasi un investigashon penal, òf un intervenshon kriminal.
Ministerio Públiko ta haña ku e forma ku minister Zita Jesus Leito a trata Norwin Ferero i lag’é keda sin kas, nò ta un akto kastigabel, i p’esei nò tin motibu pa hasi un investigashon penal, òf un intervenshon kriminal.
Karta Ministerio Públiko
Ministerio Públiko a studia e kaso, sin aserka señora minister Zita Jesus Leito, i pidi òf puntra si tin base pa por kuminsá ku un investigashon.
Ministerio Públiko a aktua meskos ku Pontio Pilatus, i ta parse ku Ministerio Públiko tin hopi miedu di mishi ku hendenan ku tin kara di santu.
17 òktober 2015:
Minister Suzy Camelia Römer, tin konosementu i p’esei ta splika kon KRÍMEN ORGANISÁ ta hinka den otro.
Minister Suzy Camelia Römer ta splika su konosementu di krimen organisa, bon kla i raspa na Hulandes:
Señora minister Suzy Camelia Römer, ta un minister ku a insinuá, ku ta konosí, ken ta esnan ku ta partisipá na krímen organisá òf mafia di konstrukshon.
Den un entrevista, di 25 mart 2017, señora minister Suzy Camelia Römer, a atvertí:
“E lei ta hopi kla, bo nò por bai kontra lei. Es mas, mi ke hasta atvertí, ku tin un artíkulo den buki di lei penal, ku ta hasi kastigabel mandatarionan ku kolaborá òf firma un dekreto nashonal pa kua nan sa ku e ta kontra di lei. Ke men ku nan mes ta hinka nan kurpa den problema ku hustisia, si nan bai firma dekretonan ku nan sa ku ta kontra di lei.”
Señora minister Suzy Camelia Römer, tambe ta unu di esnan ku kara di santu, ku Ministerio Públiko tin miedu di mishi kuné.
Señora minister Suzy Camelia Römer, tambe ta pretendé di tapa solo ku dos dede. Públikamente señora minister Suzy Camelia Römer a deklará ku e nò a risibí un karta ku Norwin Ferero a laga deurwaarder R.A. Ramazan entrega na departamento di minister di VVRP, riba 19 di yüni 2015.
Karta deurwaarder 19 yuni 2015
Partisipashon na Krímen Organisá
Den djeronimoblog pòst di 29 novèmber 2019, “Sra. ZITA JESUS LEITO Minister di Tráfiko, Transporte i Planifikashon Urbano ta basha abou i bisa kon nos PAIS ta!!! “(2)”, a duna indikashon ku tin miembronan di gabinete Rhugenaath, ku tin kontakto ku krímen organisá òf mafia di konstrukshon.
RENOX CALMES miembro di partido PIN
Renox Calmes ta miembro di partido polítiko PIN, e partido polítiko di señora minister Suzy Camelia Römer.
Den notisia TV Direct 3 di febrüari 2018, señor Ensley Virginie ta splika ku parlamentario señor Renox Calmes, tambe tin partisipashon den krímen organisá.
Minister Suzy Camelia Römer dia 25 di mart 2017 a bisa na radio, ku minister tin konosementu ken ta esnan ku ta partisipá na krímen organisá òf mafia di konstrukshon.
Notisia TV direct 3 feb. 2018
Den notisia di TV Direct por tende kon señor Ensley Virginie ta splika ku su primu Willem Pietersz, tin maneho di Gato, ku ta un tereno di 89 hèktar, kual ta parti di plantashon Malpais. Na Kámara di Komersio, ta para ku señora Corrie Theresa Calmes Kook ta representá Willem Pietersz.
Kitamentu di tereno
Parlamentario Meindert Rojer ta kuestioná e maneho di minister Zita Jesus Leito, pasombra e minister ke kita tereno, for di un señor Pietersz, na de Savaan, miéntras na Boase i na Klein Kòrsou, ta hasi hopi esfuerso pa yuda Hulandesnan.
Ta hopi remarkabel ku e reportahe aki ta paresido na loke ta tuma lugá riba plantashon Malpais (a) Gato. Na de Savaan un tal señor Pietersz, ta kue un tereno, pa despues pidi korte pa bira doño di e tereno.
Parlamentario Meindert Rojer ta kuestioná e lei di trèktu òf régimen di Apartheid ku minister Zita Jesus Leito ta apliká riba Kòrsou.
Seguidamente parlamentario Rennox Calmes ta aksentuá den mes un reportahe, i ta bisa: “okupashon ilegal di tereno, sin mas, nos nò ta tolerá esaki, i esaki mester kaba tur kaminda, pero tur tur kaminda ku esaki ta tuma lugá.”
Den djeronimoblog di 22 di Mart 2019, “ Korte nò por legalisá un “falsifikashon” ku ta kontradesí dokumento legal di korte”, diferente indikashon ta wòrdu duna, tokante di partisipashon di miembronan di gobièrnu den krímen organisá.
Corrie Theresa Calmes Kook, ta mama di Rennox Calmes
Riba 17 di desèmber 2018, un kaso ku señora Corrie Theresa Calmes Kook, a entamá kontra Norwin Ferero, Richard Ferero, Hensley Virginie i Fiana Augusta Servania, a kuminsá.
Señora Corrie Theresa Calmes Kook a pidi korte pa legalisá un falsifikashon, ku ta kontradesí dokumento legal di korte.
Señora Corrie Theresa Calmes Kook a pidi korte pa legalisá un falsifikashon, ku e intenshon pa korte legalisá, den mes un rosea, tur e aktonan di terorismo, òf krímen organisá kometé dor di famia Pietersz, pa mas ku 200 aña riba plantashon Malpais (a) Gato.
For di 17 di desèmber 2018, korte a keda trose hustisia, buskando un forma pa apliká lei di trèktu, òf APARTHEID. Masha hopi bia mester a presentá den korte djis pa entrega papel, sin ku e kaso por a wòrdu trata.
Dia 2 di mart 2020, korte a kuminsá trata e kaso. Despues ku tur partido a duna nan relato di e kaso, Wes ta splika ku partidonan mester sinta na mesa i trata di yega na un kompromiso ku otro, pa seguidamente dia 20 di aprel 2020, wes por evaluá e kompromiso di e partidonan i yega na un veredikto.
Norwin Ferero a splika wes den korte, ku e ta dispuesto pa negoshá ku kualke partido ku por legitimá su mes ku dokumentonan legal, komo desendiente di katibunan liberá Rasveldt, ku a heredá plantashon Malapais, (a) Gato.
E dokumento nan ku señora Corrie Theresa Calmes Kook, a entama e kaso, ta falsifiká. P’esei Norwin Ferero a splika wes ku e lo nò por yega na un kompromiso ku señora Corrie Theresa Calmes Kook.
Wes a kontesta Norwin Ferero ku veredikto di korte lo nò ta benefisioso pa Norwin Ferero, si e nò yega na un kompromiso ku señora Corrie Theresa Calmes Kook, ku a entamá e kaso den korte.
Norwin Ferero a kontesta ku e lo apelá e kaso.
Riba e kontesta aki wes a puntra Norwin Ferero, kiko e lo hasi ora wes den korte di apelashon, dikta e mes un veredikto.
Norwin Ferero a kontesta wes, ku e lo apelá na korte di kasashon.
Atrobe wes ta puntra Norwin Ferero, kiko e lo por hasi ora ku korte di kasashon dikta e mesun veredikto?
Norwin Ferero a kontesta wes, ku e lo hasi uso di su derechi i eksigí un otro wes, ku nò tin prehuisio, atendé e kaso.
Dia 20 di aprel 2020, e kaso mester kontinuá den korte.
Evaluashon di DJERONIMO
Profesor dr. A.F. Paula, a remarka bon kla na aña 2000 den su rapòrt, “rapòrt históriko pa por haña klaridat ken ta doño di plantashon Malpais (a) Gato”:
“Konkluyendo mester wòrdu remarká ku gobièrnu nan di turno debí na negligensha di marka mayó, nò a aktualisá su atministrashon manera debe ser, tokante e kambio di tereno ku a tuma lugá riba 7 di òktober 1868.
E negligensha aki a kontribuí hopi na e kousa i e ta mantené e insiguridat i kontroversia ken ta doño di plantashon Malpais.”
Gobièrnunan di turno, for di añanan 1970, kolektivamente a neglishá pa aktualisá su atministrashon.
Pais Kòrsou ta wòrdu konfrontá, awor aki den 2020 ku e konsekuenshanan di mal gobernashon di gobièrnunan di turno despues di añanan 1970. Konsientemente kasonan den korte ta wòrdu manipulá, di moda ku aktonan di mal gobernashon por keda skondí.
Korte di apelashon a duna veredikto, riba 7 di aprel 2020, den e kaso ku señor Ensley Virginie a entamá kontra su primu Willem Pietersz.
Willem Pietersz a wòrdu kondena pa paga gastu di korte di señor Ensley Virginie.
Korte di apelashon a fortifiká e veredikto di e huisio sumario.Willem Pietersz nò tin mag di hasi negoshi di hürmentu di tereno, riba plantashon Malpais.
Korte di apelashon a deklará ku Pietersz nò tin derechi di hasi negoshi riba Malpais (a) Gato.
E veredikto di korte di apelashon aki, ta un atvertensha pa minister di Tráfiko, Transporte i Planifikashon Urbano tambe, pa minister asumí e responsabilidat di un mandatario, ku ta sirbi pueblo, i nò sigui apliká lei di trèktu i hiba pais Kòrsou kompletamente den perdishon.