Djerónimo:
Gabinete Rhugenaath, ku ta kai na AMEN di Hulanda, a duna òrdu pa sensura NORWIN FERERO.
Un nètwèrk, di hende di mala fe, ta produsí NOTISIA FALSU òf FAKE NEWS, riba òrdu di gobièrnu, miéntras NORWIN FERERO, ta wòrdu sensurá.
Esaki ta pasombra NORWIN FERERO ta “un (1)” ku ta pretendé stroba HULANDA, legalisá lei di trèktu òf APARTHEID na Kòrsou.
PAR, MAN i PIN a firma un akuerdo pa gobernashon regeerakkoord. riba djarason 10 di mei 2017
Den djeronimoblog di 6 di desèmber 2017, “Plantashon Malpais ta e preis…”
a duna diferente indikashon kuantu kos a wòrdu hasi, promé ku gabinete Rhugenaath por a wòrdu formá kompletamente.
Riba 14 di mei 2017, ku tabata dia di mama, tabatin un reunion sekreto na Santa Rosa. Señora Zita Jesus Leito i su esposo/konsehero ku ta òf tabata di e tim di MDPT, pa kasi dos ora largu, nan a pone Norwin Ferero bou di preshon.
“Nan” a bisa Norwin Ferero, por fabor stòp di pone mensahe nan riba facebook, ku ta daña e ”bon nòmber” di parlamentarionan.
Norwin Ferero a wòrdu atvertí, ku e djeronimoblog post di 8 aprel 2017, “Gobièrnu di Kòrsou ku su mal gobernashon,. ..” , ta kos ku nò por. Norwin Ferero mester stòp di pone kos ku ta “robes” riba sosial media.
E berdadero problema ta, ku den e blog post, tin diferente indikashon, ku ta mas kla ku di dia kon e mal gobernashon di gobièrnu nan di turno, for di añanan 1970, ta hinka den otro.
Ekstorshon
E forma ku señora Zita Jesus Leito huntu ku su konsehero di tim “Multi-Disiplinario”, a pone Norwin Ferero bou di preshon, ta yama ekstorshon.
Ektorshon ta e forma ku krímen organisá ta pone hende bou di preshon pa seya “rep dil”.
Ekstorshon den boka di pueblo ta meskos ku chantahe.
Fòrsa un hende hasi un kos ilegal bou di menasa, bisando hecho nan ku ta bèrdat òf sea ta mintira ku ta tacha e bon nòmber di un hende, huridikamente esaki ta un kos kastigabel.
E forma inkorekto ku señora Zita Jesus Leito huntu ku su konsehero di tim
“Multi-Disiplinario”, a pone Norwin Ferero bou di preshon, tabata parti di un plan ku konseheronan di gobièrnu a traha pa por a logra forma un gobièrnu den dos siman.
Semper nos grandinan a siña nos ku “sòpi purá ta sali salu”.
Tambe grandinan a siña nos:
Hende NÒ por tapa solo ku dos dede.
WOWO di pueblo di Kòrsou, a kuminsá habri i hopi ta mira:
Kon maskarada di e grupito ku a finansiá kampaña polítiko di, entre otro PAR, a kai. Awor un pueblo “konsiente”, ta mira kon e grupito ta reda su mes.
Tur ta mustra dede riba otro, akusá otro di a hòrta MIONES di pueblo “mansu” di pais Kòrsou.
Gabinete Rhugenaath ku ta kai na amèn di Hulanda, a lubidá ku “niun hende por tapa solo ku dos dede”, i ni maske ku nan ta kai na AMÈN di HULANDA.
Norwin Ferero nò a akseptá, ni un di e dos oferta nan, ku minister Zita Jesus Leito i su konsehero a hasi.
Norwin Gerónimo Ferero NÒ ta tuma plaka pa sera kompromiso ku kosnan ilegal.
Norwin Ferero a skohe pa sigui kana riba e kaminda ku huridikamente ta esun korekto.
Naturalmente fo’i ora ku gabinete Rhugenaath ku ta kai na AMÈN di Hulanda, “nan” mester sigui ku e instrukshon nan, di e “grupito” ku ta paga nan, pa hasi kos nan ku nò por mira lus di dia.
“Nan” a bin ku un plan di “cha tiger” pa bisti pueblo un brel di palu, pa asina korte por legalisá un falsifikashon di stamboom.
“Nan” a laga traha un stamboom falsifiká di herederonan di plantashon Malpais, i ku un kara di “santu”, nan ta pidi korte legalisá falsifikashon di stamboom.
“Nan” ta asumí, ku a base di Lei general pa trato igual, korte lo por legalisá tur e mal gobernashon nan di tur e gobièrnunan di turno, for di aña nan 1970, te ku gabinete Rhugenaath.
Ta asina, e berpùt ku profèsòr Yandi Paula a denunsia den su rapòrt, ku ta hole stinki di korupshon, podisé por wòrdu tapa?
Problema di famia?
Edward Ricardo Jesus i Norwin Gerònimo Jesus ta ruman, i nan ta yu di Agusto Hermano Jesus. Na aña 1980, tur dos a kumpli ku nan “Dienst plicht” na HULANDA.
Na kabamentu di aña 1982 Gerardus Lazaro Ferero, a rekonosé Agusto Hermano Jesus, komo su yu legítimo. Dor di e rekonosementu aki, Agusto Hermano Jesus a akseptá e fam di su tata Gerardus Lazaro Ferero.
Konsientemente Edward a skohe pa keda ku e fam Jesus, i Norwin tambe konsientemente a skohe pa akseptá e fam Ferero.
Edward i Norwin, tur dos ta nietu legítimo di Gerardus Lazaro Ferero.
Gerardus Lazaro Ferero su wela ta yu di katibu liberá LEENTJE, i p’esei Gerardus Lazaro Ferero, tabata un heredero legítimo di plantashon Malpais.
Norwin Ferero tabata testigu di kasamentu di Edward Ricardo Jesus i Zita Leito.
Norwin Ferero a firma un “MOU” pa asina e PAR, “Multi Disiplinario”, por a legalisá nan matrimonio.
Edward Ricardo Jesus, ta esposo di minister Zita Jesus Leito i ademas miembro òf èks miembro di e famoso tim multi disiplinario, MDTP.
E potrèt aki ta e “prueba silensioso”, ken ta esun ku ta karga korona i un (1) krus GRANDI, riba su kabes, den gabinete Rhugenaath. Tambe nos por mira, ken ta esun ku ta un (1) “klokken luider”.
Norwin Ferero tin un “klòk” kologá riba su kabes.
Gabinete Rhugenaath, ku ta kai na AMEN di Hulanda, tin un nètwèrk, di hende di mala fe, ku henter dia ta sinta pensa kon traha notisia falsu, pa skonde nan maldat. Ta asina, mandatarionan korupto por logra bisti pueblo brel di palu, pa despues sasia nan set, di gana di kos.
For di ora ku pueblo tin konosementu ken ta enkargá pa karga e “krus” di telekomunikashon, pueblo sa tambe, ken ta responsabel pa tur NOTISIA FALSU òf FAKE NEWS.
Problema di famia, keda afó!!!
Un tim multi disiplinario, a skohe e momentu oportuno pa duna TVdirect 13, òrdu pa traha i pasa un notisia falsu, dia 3 di febrüari 2018.
Ku hopi astusia e notisia aki a wòrdu “areglá” ku un agènda skondí.
Richeron Balentien a insinuá ku e problema di Plantashon Malpais (a) Gato ta un problema entre miembronan di un famia, ku ta hòrta otro. Ku nan aktonan ilegal, diferente, habitante di Gato, ta wòrdu fòrsá dor di deurwaarder pa paga masha hopi plaka.
Pa kaba korona e notisia falsu, reportero Richeron Balentien a bisa ku TV direct 13, ku ta un medio di komunikashon “responsabel”, ta atvertí pueblo:
“ hende grandi ta bisa, problema di famia, keda afó”
Reportero Richeron Balentien tin konosementu ku famia Pietersz nò ta e doño nan legítimo di Plantashon Malpais (a) Gato, pasombra Norwin Ferero a bai personal mente na radio Direct, na aña 2015, i reportero Richeron Balentien a hasi un grabashon di e entrevista. Hopi kos Norwin Ferero a konta Richeron.
Dor di insinuá, den e notisia falsu, ku aki ta trata di un guera entre miembronan di mes un famia, pueblo ta saka e konklushon robes ku Ferero ta famia di Pietersz i ku tur dos ta hòrta pueblo i laba plaka.
E mal informashon aki ta pa duna korte un motibu pa apliká lei di trèktu i kita Plantashon Malpais i benefisiá, netamente e gobièrnu, ku ta esun kulpabel di e problema di terenonan di Plantashon Malpais (a) Gato.
Den e notisia di TV direct 13, reportero Richeron Balentien a trata di haña un entrevista ku Rennox Calmes, parlamentario di partido PIN.
Corrie Theresa Calmes Kook.
Dia 17 di desèmber 2018, Corrie Theresa Calmes Kook, a pidi pa korte deklará ku e negoshi “Terenonan Fiel Pierersz di Gato” tin tur outoridat pa siguí hasi i deshasí riba Gato, manera nan a hasi e último 200 aña nan.
Famia Pietersz ta bisa ku 200 aña pasa, Wiliam Pietersz a pasa e outoridat pa Phelipie Jacoba Pietersz, ku tabata e úniko yu hòmber di Maria Martha.
Famia Pietersz ta bisa ku dor di herensha nan famia a lanta un negoshi, “Terenonan Fiel Pierersz di Gato”, i awor a yega tempu pa nan pidi korte pa rekonosé esei.
Corrie Theresa Calmes Kook a pidi pa korte deklará ku nan negoshi, “Terenonan Fiel Pierersz di Gato”, tin outoridat pa hasi tur loke ku nan ta deseá, ku plantashon Malpais.
Den e blogpost
“Korte nò por legalisá un “falsifikashon” ku ta kontradesí dokumento legal di korte”
tin un splikashon kon duru e netwerk di hendenan di mala fe a traha pa kita tur kos for di Norwin Ferero, pa korte por sentensia Norwin Ferero despues sigun lei trèktu den pais Kòrsou, ku ta wòrdu dominá dor di un régimen di APARTHEID.
Reda di prensa na Den Haagstraat 4
Despues di e kaso den korte, dia 17 desèmber 2018, Norwin Ferero a invitá prensa na Den Haagstraat 4, pa un reda di prensa.
Na e reda di prensa, solamente Dick Draaier i Tv Direct 13 a presentá, 2or na Den Haagstraat 4.
Netamente un señora di fam “Leito”, ku probablemente ta famia di señora minister Zita Jesus Leito, tabata reportero di Tv Direct 13.
Norwin Ferero a splika Dick Draaier i señora Leito bon kla ku famia Pietersz a pidi korte legalisá un falsifikashon ku ta kontradesí dokumento nan legal di korte.
Remarkabel ta ku e notisia aki a wòrdu sensura, i nunka a sali den publisidat.
PREGUNTA:
Kua minister por a duna órden pa laga sensura NORWIN FERERO?
Naturalmente minister di VVRP: minister ZITA JESUS LEITO.
Suzy Camelia-Römer
Lider di partido PIN, Suzy Camelia-Römer, tambe ta responsabel ku aktualmente kos ta mal pegá den gobièrnu i den korte.
Suzy Camelia-Römer tabata minister di Tráfiko, Transporte i Planifikashon Urbano den kabinèt Whiteman II i dor di a ignorá un veredikto di LAR di 29 yüni 2016, minister Suzy Camelia-Römer a duna prueba di ta inkompetente komo minister di VVRP.
Ta p’esei a duna Zita Jesus Leito i su esposo/ konsehero di e tim di MDPT, un mishon pa pone Norwin Ferero bou di preshon i lag’é disidí “basha awa den biña i sera un dil ku gobièrnu.”
Ta ora ku Zita Jesus Leito i su esposo/konsehero a duna notisia falsu, den seno di partido PAR, ku nan lo por hinka Norwin Ferero kompletamente “den saku”, lider di partido PAR, Eugene Rhuggenaath, a logra “feks tur kos” i forma un gobièrnu di tres partido.
OMBUDSMAN defensor di pueblo
Defensor di pueblo Ombudsman a risibí un petishon di Norwin Ferero kuminsamentu di ougùstùs 2019, pa investigá e mal komportashon di minister di Tráfiko, Transporte i Planifikashon Urbano.
Dia 29 di novèmber 2019 tin un kaso den korte pa studia posibilidatnan pa yega na un solushon di e problema ken ta doño di Malpais (a) Gato.
Minister Suzy Camelia-Römer, i seguidamente minister Zita Jesus Leito, konsientemente a keda sin kumpli ku e veredikto di LAR di 29 yüni 2016.
Minister tabata konvensí ku korte mester legalisá e tereno di mas o ménos 120 hèktar, ku FKP a okupá ilegalmente, ora ku FKP gana e kaso ku fundashon Amigunan di Tera, a entamá kontra FKP.
Den un reda di prensa, direktamente despues ku FKP a gana e kaso kontra Amigunan di Tera, gobièrnu a laga informá pueblo, ku FKP ta sigui ku e proyekto pa traha kas na Wechi.
Wes nò a duna Amigunan di Tera rason, i nan a pèrdè e kaso den korte. Gobièrnu mester duna FKP pèrmit pa konstrukshon di 4000 kas riba Wechi.
Amigunan di Tera ta apelá e kaso i pone ku konstrukshonnan di 4000 kas na Wechi wantá.
Korant Vigilante a publiká riba 21 di ougùstùs 2019
Arthur Con: Si no tabata pa e kaso den Hoge Beroep mañan mes FKP ta kla pa sigui ku konstrukshon dje kasnan. Amigu di Tera tin FKP wantá.
Amigu di Tera tin konstrukshonnan di 4000 kas na Wechi wantá
E notisia ku Vigilante a publika, “Amigu di Tera tin konstrukshonnan di 4000 kas na Wechi wantá”, tambe ta un NOTISIA FALSU òf FAKE NEWS
Amigunan di Tera a pidi korte pa nò permití ku FKP traha 4000 kas riba Wechi.
FKP a yega na un akuerdo den korte pa nò traha 4000 kas riba Wechi, pasombra Wechi lo wòrdu transforma den un “Parke”.
Amigunan di Tera a pèrdè e kaso den korte.
E kaso ku Amigunan di Tera a entamá kontra FKP, tabata pa prohibí trahamentu di 4000 kas riba Wechi.
Amigunan di Tera a apelá e kaso, pero nò por gana den korte di apelashon, pasombra FKP nò ta bai traha 4000 kas riba Wechi.
FKP por gana e kaso den kore di apelashon, pasombra FKP nò tabatin intenshon pa traha 4000 kas riba Wechi.
Kaminda FKP a kuminsá traha e kasnan di proyekto Wechi, nò ta Wechi sino Rustplaats ku ta pertenesé na plantashon Malpais.
Tin sierto kosnan ku ta pasando na Kòrsou ku hende nò ta kaba di komprondé.
- Korant Vigilante ta publiká riba 21 di ougùstùs 2019, ku “Amigu di Tera a apelá e veredikto i mester bisa ku den luna di òktober 2019, esaki lo keda tratá den Apelashon”.
- Minister di Trafiko, Transporte i Planifikashon Urbano, ta manda un karta, riba 28 di novèmber 2019, i splika Norwin Ferero, kon tur kos ta wòrdu regla den pais Kòrsou.
Referiendo na e veredikto di korte LAR, di 29 di yüni 2016, minister ta bisa den un karta di 28 di novèmber 2019:
- Korte a disidí ku ainda Minister mester tuma un desishon.
- Fundashon Kas Popular a haña pèrmit pa konstrukshon di kas riba “WECHI”.
- Nò por bisa ku minister a violá regla nan di konstrukshon di kas, manera ta wòrdu stipulá den Bouw- en woningverordening 1935
Pregunta:
Korte di apelashon a disidí ku minister mester tuma desishon i duna Fundashon Kas Popular pèrmit pa konstruí 4 mil kas, riba e tereno ku Fundashon Kas Popular a bisa den korte ta un Parke?
Rustplaats ta pertenesé na plantashon Malpais, i plantashon Malpais ta pertenesé na desendientenan di katibunan liberá Rasveldt.
E kaso ku Norwin Ferero a entamá kontra minister di VVRP na 2015, tabata pa minister a duna òrdu na FKP pa stòp e konstrukshon di kas ilegal riba tereno ku ta pertenesé na e herederonan desendiente di katibunan liberá Rasveldt.
Dia 29 di novèmber 2019 Minister di Tráfiko, Transporte i Planifikashon Urbano tabatin oportunidat pa duna kuenta i rason pa korte di hustisia i seguidamente pueblo haña sa:
Dikon gobièrnu nan di turno, for di aña 1970 a apliká lei di trèktu i stroba, desendientenan di katibunan liberá Rasveldt, desaroyá plantashon Malpais ku nan a heredá di señora Sybrecht van Uytrecht
Puntonan remarkabel
Ora nos evaluá tur e puntonan remarkabel, ku a wòrdu presentá den djeronimoblog, nos ta yega na konklushon ku ta “kanta makamba”.
- Riba 14 di mei 2017, dia di mama, Norwin Ferero ta demonstrá e “PAR Multi disiplinario” un bòter di alkohòl ku ta kontené zeta di mariwana;
- E loke Norwin Ferero a mustra e “PAR, “Multi Disiplinario”, tabata un invento ku Norwin Ferero a kaba di hasi na Jamaica;
- Norwin Ferero ta bai Hulanda ku yerba kurativo i tambe zeta di mariwana, pa sana su úniko yu Jacky Jane Ferero;
- Banko Maduro ta kuminsá e prosedura pa bende e kas di Norwin Ferero, ku ta keda na Den Haagstraat 4 Steenrijk, na findishi;
- Riba 26 di yüni 2017, Norwin Ferero ta bisa Edward Jesus kon banko Maduro ke kita e kas na Den Haagstraat 4, for di Norwin Ferero;
- Norwin Ferero ta pidi su ruman hòmber Edward, ku ta padrinu di Jacky Jane Ferero, pa kuida Jacky, te ora ku Norwin Ferero por yega na plaka, pa e kumpli ku kuido di Jacky, ku ta sufri di e malesa króniko Lupus;
- Riba 19 di yüli 2017, Norwin Ferero tin un kaso den korte tokante un beslag di 100 mil florin, a base di un veredikto di un kaso for di desèmber 2015;
- Na Hulanda dòkter nan iresponsabel ta konvensé Jacky Jane Ferero pa akseptá un nir di un donor bibu, riba 25 di yüli 2017. Jacky Jane nò a kura di e malesa Lupus. P’esei un operashon di nir, den e kondishon ku Jacky Jane ta, tin masha poko chèns ku e operashon ta eksitoso;
- Norwin Ferero ta pèrdè e kaso, i e ta disidí pa ta bai korte di apelashon;
- Riba 2 di òktober 2017, mama di Norwin Ferero i Edward Jesus ta fayesé;
- Dia 2 di òktober 2017, ta e fecha di apelashon pa famia Pietersz a vense, di e kaso ku Norwin Ferero a apelá;
- Den òktober 2017, Edward Jesus ta duna Norwin Ferero 4500 florin. Edward a bisa Norwin Ferero pa e bai Hulanda i laga pone Jacky Jane bou di kuido finansiero di gobièrnu Hulandes;
- Edward Jesus a bisa Norwin Ferero pa e nò mete ku Nina Barsamian, ku ta e señora ku tin e tarea pa kuida, Jacky Jane Ferero, pero ta terorisá, Jacky Jane Ferero;
- Norwin Ferero nò ta bai Hulanda, sino ta manda plaka pa su yu Jacky Jane por paga algu di su debenan;
- Richeron Balentien, reportero di TV direct 13, ta presentá un “notisia falsu” riba 3 di febrüari 2018;
- Riba 20 di aprel 2018, Norwin Ferero ta pèrdè e kaso di beslaglegging di 100 mil florin;
- Riba dia 30 di mei 2018, Ronald Wederfoort, ta firma un akuerdo di pago di 250 mil florin, ku Norwin Ferero;
- Elvio Cijntje, ta firma un kontrakt ku Norwin Ferero pa kumpra e kas na den Haagstraat 4, pa un suma di 120 mil florin, riba 12 di yüni 2018;
- Riba 23 di yüli 2018, Norwin Ferero tin un sita ku notario Kleinmoedig, pa lanta un negoshi “DJERONIMO UNITY N.V.” ;
- Norwin Ferero, ta ofresé pueblo di Kòrsou 27 di sèptèmber 2018, na radio Margaritha, dos tereno, riba plantashon Malpais (a) Gato. Unu pa konstrukshon di un kas, den proyekto Libertad. E otro tereno ta pa un plantashon;
- Den sèptèmber Norwin Ferero ta kobra suma di 10 mil florin di penshun. Norwin Ferero a bai Jamaica riba 28 di sèptèmber pa bishita dòkter di yerba Maureen Minto, pa regla un tratamentu pa yu Jacky Jane Ferero;
- Norwin Ferero tin kombersashon na Jamaica pa pone su invento di bebida di alkohòl di mariwana, den produkshon;
- Riba 20 di òktober 2018, Norwin Ferero ta regresá Kòrsou. Den avion na Miami, Norwin Ferero ta mira su úniko ruman hòmber Edward, pa promé bia despues di òktober 2017. Edward tabata kontentu den un kombersashon “ameno” ku señor van Kwartel.
Remarkabel ta ku Edward a kuminda Norwin Ferero ku un kara friu, i durante henter e vuelo Edward a ignorá su úniko ruman hòmber Norwin Ferero; - Na novèmber 2018, Norwin Ferero ta deskubrí ku Ronald Wederfoort, tabata negoshá ku un grupo Hulandes di iglesia, pa bende e proyekto Libertad.
Norwin Ferero ta laga saka Ronald Wederfoort ku polis for di su kas na Den Haagstraat 4; - Riba 13 di desèmber 2018, Elvio Cijntje, ta kumpra kas di Norwin Ferero na findishi;
- Norwin Ferero ta hasi dos denunsia por eskrito na warda di polis Rio Canario, riba 13 di desèmber 2018.
Unu ta tokante falsifikashon di dokumento ku famia Pietersz ta kulpabel, i e otro ta tokante aktonan kriminal ku Rennox Calmes ta kulpabel di dje; - Norwin Ferero ta entrega su defensa i ademas un demanda pa daño di prehuisio na un montante di 7 mion florin, den e kaso di 17 di desèmber 2018, kaminda Corrie Calmes a demanda Norwin Ferero;
- Riba 23 di desèmber 2018, Norwin Ferero ta bai Jamaica pa sigui atendé tratamentu di dòkter pa Jacky Jane, i ademas pa por yega na akuerdo pa kultivashon di yerba kurativo, produkshon di zeta di yerba i tambe pa registrá e 10 krio di abeha ku e tin na Jamaica;
- Riba 24 di desèmber 2018, Jacky Jane Ferero ta wòrdu ópera pa saka e nir ku e a haña di un donòr. E nir ku Jacky Jane a haña dor di donashon, a wòrdu rechasá dor di su kurpa;
- For di despues di e findishi ku a tuma lugá 13 di desèmber 2018, Norwin Ferero tabata negoshá ku Elvio Cijntje, tokante pago di 20 mil florin, ku Elvio Cijntje mester a paga, Norwin Ferero, pa kompra di e kas na den Haagstraat 4;
- Riba 28 di febrüari Norwin Ferero ta hasi pago pa un pèrmit pa konstrukshon su propio kas riba plantashon Malpais;
- Kuminsamentu di aprel 2019, Norwin Ferero ta sera un akuerdo pa bende un tereno na Boneiru, ku ta parti di un herensha di su mama ku a fayesé 2 di òktober 2017;
- Notario Kleinmoedig a palabra ku famia Ferero pa nan firma riba 6 di mei 2019, ku tur ruman ta akseptá e herensha, di nan defuntu mama;
- Kuminsamentu di mei 2019, Norwin Ferero ta yega na un palabrashon ku Elvio Cijntje, pa pago i entrega de e kas na Den Haagstraat 4.
Pago di un montante di 20 mil florin i entrega di e kas na Den Haagstraat 4, mester a sosodé dia 10 di mei 2019; - Notario Kleinmoedig nò ta keda kla pa laga firma e verklaring van erfrecht riba 6 di mei 2019;
- Elvio Cijntje ta kanselá e sita, di 10 di mei 2019, pa paga i risibí e kas, di Norwin Ferero;
- Norwin Ferero ta bai Jamaica riba 11 di mei 2019, pa sigui atendé su pendiente negoshinan na Jamaica;
- Den e di tres siman di mei, Elvio Cijntje a invadí e kas di Norwin Ferero na Den Haagstraat 4;
- Elvio Cijntje a tuma lei den su propio man, i a saka loke tabata di Norwin Ferero, i benta afó. Tambe e nò tabatin pèrmit pa kita dak di e kas ku ta kontené asbèst;
Investigashon ta kontinuá!!!